Australian Open hmeichhe singles inelna quarter-final khel turin American tleirawl Coco Gauff a in vaw tling a. Kum 2008 hnua Melbourne Park quarter-final lut thei naupang ber a ni.
Kum 19 mi Gauff hian Magdalena Frech 6-1 6-2 a hnehin a sang pariat inelna hi a lut a. Kum 2019 a kum 15 mi lek ni a Wimbledon-ah beisei khuma a chetthat hnuah a lakah beiseina sang tak tennis khawvelin a nei a. French Open final a khelh hnuah nikum US Open khan a champion a ni.
Ani bakah champion lai Aryna Sabalenka pawhin quarter-final hi a lut a. Amanda Anisimova 6-3 6-2 in a hneh.
Kum 25 mi Sabalenka hian seeded number 9 Barbora Krejcikova a hmachhawn leh dawn a, Gauff hian Marta Kostyuk a tum ve thung ang.