Hnahthial District Election Office-in Inrinni kalta khan Special Summary Revision 2024 denchhenin Systematic Vo- ter’s Education & Electoral Participation (SVEEP) hnuaiah special campaign Tuipui-D ah an nei a, PwD voter te e-roll a an inziahluh theih leh kum 18 tling thar te e-roll a inziahluh theih nana he hun hi buatsaih a ni.
Election Commission of India (ECI) chuan kum 18 tling tawh chin chu mahni a thutlukna siam thei tawhah a ruat a, an dik- na chanvo te ngaipawimawhin ram hruaitu tur thlan kawngah mitin intluktlanna a ngaipawimawh hle. Chumi tihlawhtling tur chuan SSR 2024 pualin campaign ah hian January ni 1, 2024 a kum 18 tling tur te tan e-roll a inziahluh hun hawn a ni a, e-roll a la chuang lo, kum tling tawh si tan mahni a in register dan te, siamthat ngai siam- that emaw, paih ngai paih leh hriattur tul dang te inhrilhhriatna hun hman a ni bawk.
E-roll a inziahluh bakah PwD voter te tana ECI in a ruahhman hamthatna hrang hrang awm te leh awlsam taka an inziahluh theih dan kawng te hrilhfiah an ni a. Roll a inziahluh dan kimchang leh voter helpline app hman dan flyer-te sem a nih bakah signature campaign neih a ni a, January ni 1 a kum 18 tling tur chin te an inziahluh vek theih nan he hun hi buatsaih a ni.
Hnahthial District Election Office chuan kar hmasa lam khan Hnahthial Bazar-ah SVEEP) hnuaiah special campaign-ah hian street campaign an lo buatsaih tawh bawk.