Mizoram sorkarin kuthnathawktute tan tax holiday a puang a, hmunphiah hralhnaa chhiah lak thrin Royalty pawh tih tawp a ni.
Land Resources, Soil & Water Conservation leh Foresr minister Lalthansanga’n a sawi danin, kuthnathawktute tan tax holiday puan a ni a, hemi avang hian sorkarin hmunphiah atanga chhiah a lo lak thin pawh tih tawp a ni a, hemi chungchang hi hriattirna pawh tih chhuah mek a ni.
Tun hnaia Forest minister hoa department hotute leh ZPM Market Study team-te thukhawm chuan Hmunphiah hralhna tur pawh an ruahman a, tun dinhmunah hmunphiah lei turin RR Associates, Kamrup Assam chu an ring dawn a, sorkar rate tuk angin Hmunphiah ro kg khat chu Rs 100 aia tlawm lovin an lei dawn a, sorkar rate aia a tona chu khaw hrang hranga Society emaw Hmunphiah chingtute nen an inbiak remna anga kalpui a ni dawn.
Hmunphiah hralh dan chungchang ngaihtuaha thukhawmin an rel dan chuan, hmunphiah hralhna kawngah hian Forest department chu Transit permit pe tura ruat an ni a, hmunphiah hi RR Associates bak midang pawhin an lei phalsak tho an ni a, sorkar rate aia sanga an leina tur chu a chingtu society-te nen an inbiak remna ang a ni ang.