Labour, Employment, Skill Development & Entrepreneurship Minister Lalnghinglova Hmarin sorkar laipuia Ministry of Micro, Small & Medium Enterprises-a Secretary S.C.L Das te chu Zirtawpni khan Delhi-ah kawmin, Mizoramin hma a sawn theih dan kawng hrang hrang te a sawipui.
Lalnghinglova Hmar chuan Mizoram sorkarin hand holding policy thar ;Bana Kaih’ a ruahman dawn tih sawiin, Ministry of MSME scheme hrang hrang te chu hemi kawngah hian a chhawr tangkai thei dawn nia a hriat thute leh awmze nia taka hman a ni thei nia a hriat thu te a sawi a. MSME hnuaia hmalakna chu investment sang lutuk lo, hun rei tak nghah ngai lo, rah chhuah zung zung thei a nih vangin Mizo rilru sukthlek nen a inmil thute Secretary a sawipui a ni.
Secretary hian amah leh a team-te Mizorama kala hmalak dan rel tha a tih thu Minister a hrilh a ni.