Aizawl: Mizoram Youth Commission (MYC) Chairman thar Malsawmzuala Ralte chuan tumruh, taima leh teirei peih tan hlawhtlinna kawng a inhawn thu a sawi.
Inrinni khan MYC Chairman Malsawmzuala Ralte chuan MS ACADEMY (A Coaching Centre for Competitive Exams) Khatla tlawhin, an zirlai hlawhtlingte lawmpuina hun a hmanpuinaah thu sawiin, competitive exam hi eng level mah hi awl ai a ni lo va. Theihtawp chhuah a exam beih a ngai a nih thu a sawi.
Malsawmzuala Ralte chuan mumal taka hun hman dan tur ruahmanna (plan) time table siam a pawimawh thu leh hun vawn dik kawngah pawh tan la a, hun vawng dik mi chu a inthlahdah ngai lo a ni tih sawiin, sorkar hna chu ram tana rawngbawlna pawimawh tak a ni tih hria a, thahnemngai taka thawk turin leh an kal zelna turah duhsakna a hlan.
MYC Chairman hian MS Academy atanga MSSSB Combined UDC Exams 2023 a inziak tling mi 20 te hnenah lawmpuina a hlan nghal bawk.