United States-a khaw awm dan uchuak tak avanga chhiatna hrang hrang thlengah mi 90 chuang thi an awm tawh a, chawlhkar liam ta chhung zawng kha a nuai a ni.
Thi zingah hian Tennessee-a mi 25 leh Oregon-a mi 16 te pawh an tel a, heng state pahnihah hian emergency puan a la ni.
Ram chhung hmun tam takah mi sang telin power an la nei lo bawk.
Ni rei vak lo hnuah vur sur nasa chu a ziaawm tan tawh tura ngaih a ni thung.
Kar liam ta chhung khan khaw awm dan dik lo kaihhnawiha thi hi mi 92 an ni tawh CBS chuan a tar lang.
Tennessee leh Oregon-ah thi tam berin Mississippi, Illinois, Pennsylvania, Washington, Kentucky, Wisconsin, New York, New Jersey leh hmun dangah pawh thi an awm.
Portland, Oregon-ah Nilaini khan thli na takin power line a tihchahin a hnuaia lirtheia an tlan lai a delh avangin mi pathum an thi a. A chuang ve naute erawh a dam chhuak thung.
Thihna thleng dangte hi chhui mek an ni a, heng zingah hian Kentucky-a car panga insua mi pakhat thihna leh Illinois-a car insu thova mi pali thihna pawh a tel.
Associated Press chuan Seattle-ah ni li chhungin chenna in nei lo nia hriat mi panga an thi tih a tar lang bawk.
Mississippi-ah chuan thuneituten khaw awm dan a chian loh avangin lirtheite chu ‘tul zualah chauh’ inkhalh chhuak turin an ti a. College leh zirna in dangte chu thlasik chawlh hun chhung an pawt sei bawk.
He state-ah hian Pathiannia mi pathum an thih belh hnuah mi 11 thi an awm tawh.
Mississippi thuneitute chuan online-a thu thehdarh pakhat, tui a vân dawn avanga inbual kuang thlenga tui dah khawl tura intihna thu darh chu an chhui mek bawk a. He thu lengvak avang hian an khawpui, Jackson-a mi cheng tam tak an phili phah hman a ni.
Tennessee-ah pawh tui avanga buaina a awm mek a, mi 4,00,000 vel zet chu Memphis vela pipe chhia avangin tui an haw thei lo va, vur tituiin an khawsa mek a. Tual chhunga tui buaipuitute chuan khaw vawt lutuk avanga a pek chhuahna hmun chhia 41 leh pipe 4,000 chuang an siam tha tawh tih an sawi thung.
“In atan chuan chhuan so emaw, tui in tur um bika mi emaw hman tur a ni a, heng hi vur siam nan, ha nawn nan, thleng sil nan leh ei tur siam nan hman tur a ni rih,” an ti.