Aizawl : Inthlan vote thlakna atana hman electronic voting machine (EVM) chu khua leh tui ten an hriat chiana, a hman dan a taka an hmuha an tih chhin theihna tura Kolasib District chhung fang kual tura ruahman, EVM Mobile Demonstration Van chu nimin khan Kolasib Bawrhsap pisa tual zawl aṭangin Bawrhsap, District Election Officer ni bawk John LT Sanga’n a vailiam.
EVM Demonstration Van hian EVM demonstration tiin, polling station hrang hrang a tlawh kual dawn a. Nimin aṭanga ṭanin, Kolasib District chhunga polling station 89 chu February ni 23, 2024 hmaa tlawh chhuak hman tura ruahman a ni.