Local Adminstration Department (LAD) Secretariat leh Directorate-a officer-te chu nimin khan LAD Minister C Lals- awivunga hovin SAD Conference Hall-ah an thukhawm a. LAD Minister chuan Depar- tment hmalakna tura a hmathlir leh kalphung a duh dan te a sawi.
LAD Minister chu- an Department hmasawnna tura theihtawp chhuaha lungrual taka hnathawh a pawim- awh thu sawiin, LAD hnuaia thawk te chu thahnemngai taka tha- whpui atan a sawm a. Mipui tana theihtawp chhuaha hnathawh a duh thu sawiin, dik tak leh fel taka thil ti a, rinawm taka thawk turin Department officer-te chu a chah.
Dan pangngaiah Ministry chu kum nga dan zela inthlak thin a nih thu leh Officer-te chu nghet zawk an nih thu sawiin, LAD Mi- nister chuan thawktute chu politics thlichhia inchhemlen tir lo turin a chah bawk.
LAD Minister hova thutkhawmah hian LAD hmalakna pawimawh zual te thlirhovin, hmalak zel dan tur te an sawiho bawk a ni.