Aizawl : Champhai District Consultative Committee chu nimin khan an Chairman, Ba- wrhsap ni bawk James Lalrinchhana kaihhruaiin DC an thukhawm a. Kum 2024-25 atana NABARD-in Potential Linked Credit Plan a tihchhuaha Rs. nuai 19, 117.17 Champhai District tana a ruahman chu Chairman-in a tlangzarh.
DLCC Chairman chuan Bank te chu mipui leh khawtlang hmasawnna atana hna- thawktu pawimawh tak an nih thu sawiin, an hmalakna apiangah mi- pui hamthatna dah hma- sa thin turin a chah a. Bank hrang hrang in- karah thawhhona tha tak a awm a tul thu a sawi.
He thutkhawmah hian Champhai District chhunga Bank hnathawh hrang hrang thlirho niin, mipui tana tangkai zawka hmalakna dan tur te an sawiho a ni.
September 2023 Qu- arter chhunga Bank hr- ang hrang te Deposit belhkhawm Rs. nuai 53449 a ni a, Advance-ah (loan) Rs. nuai Rs. 36,491.22 pek niin, Champhai District Cre- dit Deposit Ratio chu 68.27% a ni.
Champhai District hi border area a nih avangin Bank branch-te an lo him zawk nan Mizoram Police-te chu venhimna hna uluk zawka kalpui tur a ngen an ni bawk.
Sawrkar thuchhuahin a tarlan danin Champhai District Chest Branch chu Mizoram Chest Branch pakua zingah Cash Currency intodelh awmchhun a ni a, tuna currency chest kan neih hian min dawl zawh tawh loh avangin Reserve Bank of India chu strong room lian zawk leh retention limit sang zawk ngaihtuah tura ngen a ni.
Bank Performance tehna hrang hranga tehin district chhunga bank branch-te an ti tha thawkhat nia hriat a ni a, committee chuan lawmthu a sawi bawk.