Agriculture Minister PC Vanlalruata’n nimin khan Thingdawl Agriculture Farm, Krishi Vigyan Kendra (KVK) Kolasib hmun leh District Agriculture Office te a tlawh a. KVK Kolasib ram sahthlak tuma hma- lakna a enfiah bawk.
Agriculture Minister hi Kolasib Bawrh- sap John LT Sanga hovin department official ten an lo dawngsawng a. Hmun hrang hrang a tlawhnaah thawktute nen hma- lakna hrang hrang an thlirho a ni.
Kuthnathawktute hlawhtlinna leh dinchhuahna atan sawrkarin theih tawpin hma a la dawn tih Agriculture Minister chuan sawi- in, kuthnathawktute hamṭhatna chu sawr- karin a ngaihpawim- awh ber pakhat a nih dawn avangin Agriculture Department hming pawh Agriculture & Farmers’ Welfare Department tia thlak tuma hmalak mek a nih thu a sawi.
Kuthnathawktu ten an thil thar hralhna tur (market) ṭha tak a awm sa tih hriaa ngaihngam taka hma an lak theih na turin market ngaihtuahsak an ni dawn tih Agriculture Minister chuan a sawi a. Kum tharah market engemawzat puan be- lh tum a nih thu sawi- in, thil thar lei tur zingah buh lei tel tuma hmalak a nih tur thu leh ram neih chung- changah inkhuahkhi- rhna felfai zawk a awm theih nan Mizorama leilet leh huan ram neitu zawng zaw- ng khawl hmanga ch- hinchhiah (digitalise) tum a nih thu a sawi.
Agriculture Minister chuan sawrkar hmalakna hrang hrangah hmasawnna ngelnghet leh tlo zawk a awm theih nan zirchianna leh zirbingna (research) behchhana hma lak a nih tur tuh a sawi a. Thawktu indaihlohna nasa tak a awm chungin, hna lak belh theih a nih hma chu thawktu awm sa ten hnathawh tur a lo tam deuh a nih paw- hin ṭhahnemngai leh- zuala an thawh a beisei thu a sawi.
Kolasib KVK ram mimal tana sahthlak tuma hmalakna chun- gchangah DC aṭangin hma la chhunzawm lo turin stay order chh- uah a nih tawh thu sawiin, kuthnathawh thil chawisan a nih theih nan leh sawrkar aṭanga hmasawnna tura hmalakna atan sawrkar ram awm sa chu roh a ṭul avangin ram sahthlak chu phal a ni dawn lo tih Agriculture Minister chu- an a sawi a. Ram pek tuma hmalakna awm sa pawh sut vek a ni dawn tih a sawi. Chu- tih rual chuan chenna in leh lo neilote chu thlaphang lo tura chah in, an dinhmun chu sawrkarin a ngaihtuah tur thu a sawi bawk.
Kolasib Bawrhsap John LT Sanga paw- hin Agriculture Minister-in Kolasib a tla- wh chu District tan leh department leh ku- thnathawktute tan a lawmawmin a phura- wm hle tih a sawi a. KVK ram buai a hm- un ngeia a hmuhpui chu thlamuanthlak a tih thu a sawi bawk a ni.
Agriculture Minister hian Thingdawl Agriculture Farm-a hnathawh mek pahnih – NABARD RIDF sum Rs nuai 150 hmanga Seed Processing & Seed Storage Unit sak mek leh Rs nuai 258.89 senga Solar Powered Cold Storage for Potato Seed sak mek te pawh tlawhin a enfiah a. Hna pahnihah hian civil work chin chu thawh zawh tawh niin, a pum puiah 50% vel chu zo tawh anga ngaih a nih thu sawrkar thuchhuah chuan a tarlang.
Agriculture Minister-in KVK Kolasib a tlawhnaah hian Senior Scientist & Head Dr Michelle C. Lallaw- mkimi chuan hun kaihruaiin, KVK Kolasib hmalakna report a pe a. Minister-in DAO office a tlawhnaah District Agriculture Officer Lalring- liana chuan hun kaihruaiin, Kolasib District-a agriculture kaihhnawiha hmalakna hrang hrang report a pe thung.