BJP chuan kum 2019-20 chhung khan Rs. Vaibelchhe 4,847.78 zet an nei tih sawiin India rama political party hausa ber an ni a. Bahujan Samaj Party (BSP) chuan dawtin Rs. Veibelchhe 698.33 an nei a, Congress-in Rs. Vaibelchhe 588.16 an nei bawk.
Association for Democratic Reforms (ADR) chuan kum 2019-20 chhunga national leh regional party hrang hrangte thil neih leh an sum neihte a chhut chhuak.
An chhutnaah chuan national party pasarihte chuan Rs. Vaibelchhe 6,988.57 an neih laiin regional party 44-te chuan Rs. Vaibelchhe 2,129.38 an nei.
National party zingah BJP chu hausa berin Rs Vaibelchhe 4,847.78 an nei a, hei hi party pasarihte neih belhkhawm atanga 69.37% zet a ni phak a. BSP chuan 9.99% nei phakin Congress-in 8.42% an nei bawk.
Regional party 44-te zinga a hausa zual 10 chuan Rs. Vaibelchhe 2,028.715 an nei a, hei hi an vaia an neih atanga 95.27% zet a tling.
Tangka kum 2019-20 chhung khan regional party hausa ber chu Samajwadi Party niin Rs. Vaibelchhe 563.47 an nei a, hei hi an vaia neih atanga chhuta 26.46% a tling a. TRS-in Rs. Vaibelchhe 301.47 leh AIADMK-in Rs. Vaibelchhe 267.61 an nei bawk.