Fulham chuan Lond0n-a an elpui Chelsea striker Armando Broja chu tun season chhung atan loan in an hawh.
Kum 22 mi Broja hian season kal lai inelna hrang hrangah Blues tan game 19 khel tlingin goal hnih a thun a,thlasik bazar laiin Wolves leh AC Milan-in ngaihven mah se Chelsea chuan a ngheta hralh an ui a, lak kir leh theih turin Graven Cottage lamah inchherhriam turin an chhuahtir ta zawk a ni.
Albania international hian December 2022 khan a khupah hliam na tak tuarin, 2022-23 season chanve zet kha a bawksawp a, Chelsea chuan an academy graduate hi club danga chhuahtir mai loin ropui zawka a kirleh theih hun nghak turin Fulham an hawhtir ta niin a lang. Hetih lai hian Chelsea mid-fielder Andrey Santos pawhin loan bawkin French Ligue 1 club Strasbourg a zawm ve bawk.