Bollywood star Bhumi Pedneker chuan a tleirawl laiin, puipunna hmunah mawi lo taka khawih a nih thu a sawichhuak.
“Ka hrechiang khawp mai. Bandra-ah a ni a, hetih lai hian fair lun tak tak a awm thin. Kum 14 mi lek ka ni a, chhungte nen kan kal thin a, hetah hian thil duhawm loh tak leh mawi lo tak a thleng. Chhungte ruala ka kal lai chuan ka hnung lam atangin ka mawng rawn khawih thin an awm a, ke lehhawi te hian tunge a nih ka hre thei lo. A chhan chu mi an zik nuai nuai vang a ni. Tu emaw chuan min khawih a tum reng mai a, mangang tak ka ni.
“Chhungte nen kan ni a, kan thenawma cheng naupangte pawh an awm nual. Mahse, a hun lai khan engmah ka sawi ngam lova, ka chhunga thil thleng khan min barakhaih nasat em vang a ni.
“Khatih laia ka rilru leh ngaihtuahna kha ka la hrechiang em em a, ka taksa pawh khan a hre fiah em em bawk. Tun thleng pawh hian kha thil thleng rapthlak leh duhawm loh tak khan min umzui reng a, theihnghilh theih pawh a ni lo,” a ti.
Rilru lamah pawh nghawng duhawm loh tak a thlen tih thlenga sawiin, “A hunlai khan ka mit sulh mai a, tih leh tih loh tur pawh ka hre hrang lo. Mawi lo taka khawih leh umzui ka nihna ka hrechiang a, hrehawm tak a ni,” a ti bawk.
Bhumi hian crime thriller beisawiawm tak, ‘Bhakshak’ tichhuak turin a inbuatsaih mek a, February 9, 2024 hian Netflix-ah en theih a ni ang.