Tennis huanga hriat hlawh, vawi eng emaw zat trophy lian chawia lo eng tawh thin BenVenus William eng a chuai tawh a. Chul hnu tharin, Venus hian Court chhungah en nawn leh a tum.
Wolld number one hlui leh tum sarih ngawt Grand Slam singles champion lo ni ve tawh bawk Venus Wil-liams hian North American hard-court season herchhuah ruala tennis khelmual luh leh a tum a, inelna hma-chhawn leh tura thutlukna a siam kawng ah a laizawn Serena Williams chuan a fuihphur tih a sawi.
Kum 43 mi ni ve tawh Venus hian tunhnai khan a YouTube account kaltlangin video thar a tarchhuak a, tah chuan tunhnai kum liamta chhoa hliamin a tlakbuak dante sawi chungin Indian Wells leh Miami lama WTA 1000 tournament khelh theih chu a tum bulpui a nih thu a sawichhuak.
He videoah hian Williams chuan a vawikhatna atan nikum Wimbledon khelh laia Centre Court a chhuahsan chhan a khup hliam chungchang tarlangin, Elina Svitolina a hmachhawnna first-round match game hnihnaa a tluk dan boruak vel a sawi.
American mihang nula senior Venus chuan chhu-anlam siam a duh loh vanga a hliam chanchin a sawichhuah zen zen ngai loh thu sawi chungin a hmachhawp lian ber ni mek chu United States ngei maia tournament lian khelh leh a nih thu a sawi a, hliam avanga kum 2019 hnua a la inlan leh tak lohna Miami Open leh Indian Wells lam inlan ngei a tum thu a sawi.
“Ka laizawn te takte Serena hian la chawl mai lo turin min fuih a, ni e, ka bansan ngai lo ang a, khelmualah ka kirleh ang tiin ka chhang a,” a ti.