Aizawl : Aizawl West III bialtu MLA VL Zaithanzama’n Inrinni khan TBL Bhavan, Khatla-ah Mizoram Super League team Khatla TBL Basketball Club Jersey thar a tlangzarh.
VL Zaithanzama chuan, TBL chu club hlun, ram pum huap pawha hriathlawh leh a awmna veng mai ni lo, Mizoram tihmingthatu an lo nih fo tawh thu sawiin, chhuanawm a tih thu a sawi a. Khatla vengin ram pum huap sports thilah hriat a hlawhna ber chu Basketball a nih thu sawiin, veng mipui tan phei chuan an chhuanawm leh zual thu a sawi.
Sports-ah kawng hrang hranga thawktu ten theihtawp chhuahin hma an la thin tih sawiin, thawhhona tha te, inpekna te leh discipline thlengin hlawhtli- nna tura thil pawimawh an ni reng tih a sawi a. Hemi kawngah hian TBL chuan fak an hlawh hle nia sawiin, an kal zelna turah duhsakna a hlan.