KHai le, octa-core MediaTek Dimensity 700 SoC chipset, 50MP primary camera, 18W fast charging leh 5,000mAh battery bakah thil dang tak taka thuam Vivo Y75 5G chu India-ah tlangzarh a ni.
He phone hi 6.58-inch full-HD+IPS LCD screen (2408×1080 pixels resolution) hmanga chei niin, 8GB RAM leh 128GB Storage a thuam a ni a, storage hi i duh phawt chuan microSD card slot hmangin 1TB thlenga tihlen theih a ni.
A sir lamah fingerprint sensor chakzet dah a ni a, Android 12 base Funtouch OS 12 nena kalpui a nih bawk avangin mid-range phone chhuak tawhah chuan a tha pawl tak a tling. 50MP primary camera hian f/1.8 aperture lens a nei a, 2MP macro shooter (f/2.0 aperture lens) leh 2MP bokeh camera (f/2.0 aperture)-in a hual vel bawk.
Battery mawlh mai hian a tihahdam dawn che a, current chiang lo leh phone hman nasat thin vanga buaina tam tak a sukkiansak dawn che. Vawikhat i charge full tawh chuan nikhat na na chu hahdam takin i tling tla thei dawn a ni.
Vivo Y75 5G hi Rs 21,990 man a ni a, color chi hnih Starlight Black leh Glowing Galaxy duh-thlan tur a awm ang.