Ukraine-a piang Miss Japan atan thlanchhuah ni bawk chu nupui nei lai pa pakhat nen an inngaizawng nia tualchhung chanchanbu pakhatin a chhuah hnu-ah ‘crown’ hlipin, a bang ta.
Karolina Shiino (26) hi karhnih liam ta khan Miss Japan atan thlan niin, a pian na ram leh a vun rawng bakah a hmel lan danah Japanese nena sawi zawm theih tur pakhatmah a awm loh vanga rampum huapa chai laih laih kha a ni.
Naupangte a nih laia Japan rama fa atan lak a nih hnu-ah he ramah vek hian seilian in, tawngkam leh hawiherah chuan Japanese dik tak a nih rualin, khawthlang lam hmel a put lai taka hi hriatthiam harsa an tih laia chu a ni.
Shukan Bunshun chanchinbu chuan Ms Shiino hian influencer leh doctor ni bawk pakhat nen inhualin, an inngaizawng, a ti a. Hepa hi nupui pawmlai nei a ni..
Karhmasa khan Miss Japan organiser te chuan he thuchhuah hi hnawlin, Ms Shiino thlavang an hauh. Amah ngei pawh hian a kawppui nupui nei a nih a hriat loh thu a sawi ve bawk.
Amaherawhchu, nimin khan organiser lam chuan a mipa zui hi nupui nei leh chhungkaw pa a nih thu a puang ta nia sawiin, Miss Japan 2024 a nihna chu a thlauhthla ta a ni.