Aizawl : Lawngtlai District MJA-in nimin khan Lawngtlai Press Club-ah Conference hmangin, kum 2024-26 chhunga hruaitu tur an thlang a. DIPRO Hmi- ngthanzuala’n hruaitu thar thlanna hmanpuiin duhsakna a hlan nghal.
Lawngtlai DIPRO chuan MJA member-te chu sawrkar langtlang siamna tura mipui hnena thu pawimawh hrang hrang hriattirtu an nih thu sawiin, DIPRO Office nen pawh thawhhona tha tak an neih thin avangin lawmthu a sawi a. Thuthar rintlak lakkhawm leh thehdarh hna chu hna hahthlak tak a nih avangin khawtlang tana rawngbawlna thinlung puchunga kalpui a tul thu sawiin, kum 2024-26 chhung a hruaitu thar thlan chhuahte duhsakna a hlan bawk.
Kum 2024-26 chhun- ga Lawngtlai district MJA hruaitu tur te : President Elvis Lalthangzuala; Vice President H. Lalrinmawia leh Treasurer Lalngheta Ralte te an ni.