Aizawl: Impulse NGO Network leh Cod Nerc tangkawpin nimin khan himna zawngtuten himna an hmuh theih nana inzirtirna, ‘Regional Consultation on Life Saving Assistant to Someone Searching for Safety’ program chu Hotel Regency Conference hall-ah an huaihawt.
He program-ah hian Impulse hmarchhak state hrang hrang – Meghalaya, Assam, Sikkim, Manipur, Nagaland, Arunachal Pradesh bakah Nepal leh Myanmar atang ten NGO Network thawktute an kal khawm a. Chu mai bakah online-in US Consul General, Kolkata leh ram hrang hranga stakeholder-ten he meeting hi an chhim bawk.
Anni bakah NGO hrang hrang Mizoram chhung, Manipur leh Nagaland-a miten an hnathawhte an sawi ho a. Sorkar mi pawimawh tak takte an tel thei bawk.
Regional Cunsultant meeting hi Chief Minister Lalduhoma pawhin virtual address neiin, Home Minister K Sapdanga pawhin khuallian niin he hun a hman pui a. Khualzahawm Minister of State Lalchhanzova, Special guest Lalmuanpua Punte, MLA, Adviser to Chief Minister ten telpui bawkin thu an sawi theuh bawk.
Impulse NGO Network hian Myanmar raltlante hnenah ei tur hrisel an neih theih nan ei tur an pek mai bakah, anmahni an lo intun nun nan agroforestry (lo neih) te kalpuiin chhungkaw 11,000-ten a hlawkna an tel mek a ni.