District Level Road Safety Committee chu nimin khan DC Conference Hall, Lungleiah Addl. Deputy Commissioner Donny Lalruatsanga ho- vin an thukhawm a. Road Safety Month hman dan tur an sawiho.
Road Safety Month, February 2024 hawnna hun chu ni 12.2.2024 ah hman ni se, progra- mme chu DTO, Lunglei-in lo duang se, an ti a. Road Safety Month chhung hian lirthei check runpui (No Tolerance Drive) ni 12-17, February 2024 chhungin neih ni se, an ti.
Road Safety Awareness Lunglei khawpui chhunga School hrang hrangah District Education Officer kaltlangin Pledge chhiar chhuah tir ni se, mipuite lirthei laka an him theihna atana inzirtirna leh inkaihhruaina pamphlet Sumo, Taxi leh Auto Rickshaw Driver te hnenah sem ni se, an ti.
Traffic Police te kaihhruainain NCC te traffic duty dan zirtir ni se, an ti a. PWD leh Traffic Police te khawpui chhunga kawng khuar lai te zirchiang tura tih an ni. Kohhran hrang hrang leh NGO te hnenah awareness pek tura tih bakak social media kaltlangin awareness atam thei ang ber pek ni se, an ti bawk.
District Level Road Safety committe thutkh- awmah hian Lunglei South bialtu MLA Lalramliana pawh tel tura sawm a nih angin a tel a. Lunglei khawpui chhung traffic a mumal zawk nan Department hrang hrang atanga hmalak a ngaih thu a sawi a. Lunglei khawpui chhung hmasawnna tur atan HPC kaltlanga hmalak dan a awm a rin thu sawiin, “khawpui hmasawn turin kan thawk ho anga, mamawh te Minister ah kher thlen ngai lovin MLA te hmang tangkai thin turin ka sawm che u” a ti bawk a ni.
Hnahthial-ah pawh nimin vek khan Addl DC Lalvenhima hovin District Level Road Safety committe-in Road Safety Month chhunga hmalakna tur chi hrang hrang (action plan) an ngaihtuahho a. Road Safety Month chhungin lirthei endik runpui (No Tolerance Drive) Feb ni 12-17 chhunga neih ni se, an ti. Hnahthial khaw chh- unga hmun remchangah Police leh ZDU tangka- wpin check-point sia- min document endikna thin se, an ti bawk.
Hnahthial khaw chhung, zirna in hrang hranga Class-V chin chunglamah road safety pledge nei tura hriattirna chhuah ni se tiin, Higher Secondary Sch- ool leh college tan police lamin inhrilhhriatna (awareness) neihpui se. an ti a. Road Safety Awareness atan lirthei inkaihhruaina hrang hrangte an hriat theih nan traffic police/police te zingah institution hrang hranga NCC te duty tir ve ni se, an ti.
Road Safety Pledge chu Hnahthial ZDU member leh motor tinah tar ni se, an ti a. ZDU in lirthei pawl hrang hrang te uar lehzualin awareness lo pe se, an ti bawk a ni.