Startup In- dia leh Mizoram Star- tup Mission-te tangk- awp buatsaih Accelerating Startup Callibre & Entrepreneurial Drive (ASCEND) Financial Literacy Bootcamp, Mizoram Edition, Mc Cabe Hall, Aijal Club-a neih chu nimin khan Commerce & Industries Minister F. Rodingliana’n a hmanpui.
Commerce & Industries Minister chuan Mizoram tana pawimawh tak entrepreneurship chungchanga hriat tul te inzirtirna hun ASCEND Financial Literacy Bootcamp buatsaih a ni chu lawmawm a tih thu sawiin, Mizoram tana tangkai tur leh chhawrnahawm tak tur a nih thu a sawi a. Start-up a nih angin ropui taka bultan a kawk lo a ni tiin, thalai kalkhawmte chu hniam taka bultana rei tak ding thei tura ngaihtuahna seng turin a chah.
Entrepreneurship lamah Mizoram chu bultan tir leh hma la chho ve mek zel a nih thu sawiin, sawrkarin ‘Bana Kaih – Hand Holding Policy’ a ngaihpawimawh thu sawiin, sawrkar laipui scheme-te nena tangkawpin he policy hi kalpui tum a ni, a ti.
Commerce & Industries Minister chuan Mizoramin ram tha tak a neih thu leh bultana hmalakna tur ram awl zau zawk nei tura ngaihtuah hman a tul thu sawiin, thalai kalkhaw- mte chu ngaihtuahna thar neia, hmasawn tuma theihtawp chhuah turin a chah a. Policy pawimawh hrang hrang te mipui ten zau zawka an hriat theih nan sawrkarin ngaihtuahna a sen mek thu a sawi.
Hmalakna reng rengah sawrkarin thawhhona a ngaihpawimawh thu pawh sawiin, bootcamp chhimtute chu mithiam tak tak te zirtirna tha taka ngaithlaa tangkaipui tum theuh turin a chah bawk.
Secretary, Planning & Programme Implementation (P&PI) Department Lalmalsawma Pachuau-in ASCEND Financial Literacy Bootcamp chu Mizoram tana mellung pawimawh tak a nih ngei a beisei thu a sawi a. Deputy Adviser-cum-Deputy Secretary, P&PI Department Chingthanmawii Guite-in bootcamp neih chhan leh Mizoram Startup Mission chanchin tlangpui a sawi.
Startup India (SUI) Team-in Startup India chanchin tlangpui, hlawkna leh hamthatna awmte an sawi a. Chief Mentor of GLA University Entrepreneurship Cell Dr. Pramod Kumar Joshi-a’n hlawhtlinna chang tura entrepreneur-te kawngzawh dan tlangpui a sawifiah bawk.
Mukesh Khanna leh Vivek Sovasaria, Tally Solutions ten account vawn leh enkawl dan chungchangah zirtirna an pe a. Managing Director, India Operations at University of Maryland – Robert H Smith School of Business Manish Bansal chuan mahni kutkawih sumdawnna kaltlanga hlawkna tel thei tura zinkawng zawh ngai leh pawimawhte a sawifiah bawk a. Zawhna leh chhanna hun an hmang bawk a ni.
Entrepreneurship Development Scheme (EDS) chak zawka kalpui turin P&PI Department, Mizoram hnuaiah kum 2017 khan Entrepreneurship Development Centre (EDC) din niin, August ni 30, 2022 ah khan Mizoram Startup Mission ti a thlak a ni a. Hemi kaltlang hian entrepreneurship tihhmasawn leh chawisan kawngah theihtawp chhuaha hmalak a ni a. Kum 2017 a EDC din a nih hnuah entrepreneurship hnuaia hmalaknain hma a sawn zel a; hmalakna kaltlang hian DPIIT recognised Startup 22 neih a ni tawh a, Women Entrepreneur 35 te eizawnna ngelnghet nei thei tura chherchhuah an nih tawh bakah hmalakna hrang hrang kaltlangin mi 5,000 chuangin eizawnna an nei tawh niin sawrkar thuchhuah chuan a tarlang.