Mercedes driver Lewis Hamilton-a’n tum riat zet British Grand Prix hnehna a chan tawhna tlankawng Silverstone leh Formula 1 chuan inremna thar ziakin, he track hmingthangah hian kum 10 dang British Grand Prix an tlan chhunzawm dawn a, chuti a nih chuan a lo berah pawh kum 2034 thleng F1 calendar-ah a bet chhunzawm leh rih phawt dawn a ni.
F1 president leh chief executive ni bawk Ste-fano Domenicali chuan Silverstone chu tlan-kawng lawk leh F1 histo-ry laimu luah tlattu a nih thu sawi chungin kum 1950 atanga F1 world championship race an nghah tanna tlankawng chuan fans a hip a, khawvel puma Formula One ngainatute a hip-khawm chhunzawm zel dawn tih a sawi.
Tuna kum 10 daih inremna hi social media video kaltlangin British F1 driver pahnih George Russell leh Lando No-rris-te an puanzartir a ni.
Silverstone neitu hi British Racing Drivers’ Club (BRDC) niin, Bri-tish motorsport ‘home’ a ni.
Kum 1955-1986 chhung khan Britain-a championship round chu Silverstone pawn lam Aintree leh a hnuah Brands Hatch lamahte an han tlan lawp lawp a, kum 1987 atang kha chua kumtin he tlankawngah hian race an nghat mar chhunzawm leh ta a; kum 2020 hripui (Covid-19 pandemic) vanglai phei kha chuan kum khatah grands prix tum hnih a dawl nghe nghe.
Silverstone-a 2023 British Grand Prix pawh kha nikum chhunga a hmuna thlirtu ngah ber niin, Max Verstappen chu pakhatna a ni a; kha race chawlhkarah khan F1 fans 480,000 tehreng he hmunah hian an pungkhawm tling!