Europe khawmuala ram hrang hrangte football hmanga an inelna Nations League season thara intum tur tihchian a ni a. League B a tlahniam England chu Group B-ah an awm a, Greece nen an inhmachhawn dawn.
Nations League 2023-24 season-ah England hi an khel chhe viau a, League A3 ah table mawngphah an ni. Table mawngphah an nih vangin League B-ah an tlahniam. Season tharah hian League B3-ah Finland, Republic of Ireland leh Greece te nen an awm ho a. Group champion niin League A lamah kir leh nghal an tum ang.
League A lama kaisang thar Scotland chu A1-ah Croatia, Portugal leh Poland te nen an awm tlang a. League A-a khel chhunzawm thei turin Scotland hian chet that hle an ngai dawn. An chetha viau a nih loh chuan League B lama tlahniam zui leh nghal thei an ni . An khingpui turte an tha tlang a, an tan inthlahdah a thiang dawn lo.
A2-ah football ram lian Italy, Belgium leh France ten Israel an awmpui a. Italy, Belgium leh France ten group champion nih an inchuh na viau dawn a. Israel hi chu a group tikimtu ang lek ni tura ngaih a ni.
Nations League-ah hian League A-ah ram 12 an awm a, group liah team li zelin an inthen. League A-ah bik hian group champion leh pahnihna theuh ten quarter-final an lut a. Pathumnaa awm leh palinaa awm ten League B-a tlhniam tur zawnna play-off an hmachhawn ang a. Playoff a chak lo zawk zawk League B-ah an tlahniam ang. Quarter-final hnuah hian semi-final leh final khelh zui leh tur a ni.
League B leh C-ah pawh ram 12 te group li-ah team li zelin then a ni. League B lamah hi chuan knock out round khelh a ngai lo thung a. League A-ah group champion an kaisang ang, group khata tichhe ber zel League C lamah an tlahniam ve thung ang.
Uefa Nations League 2024-25 group
League A
Group A1: Croatia, Portugal, Poland, Scotland
Group A2: Italy, Belgium, France, Israel
Group A3: Netherlands, Hungary, Germany, Bosnia and Herzegovina
Group A4: Spain, Denmark, Switzerland, Serbia
League B
Group B1: Czech Republic, Ukraine, Albania, Georgia
Group B2: England, Finland, Republic of Ireland, Greece
Group B3: Austria, Norway, Slovenia, Kazakhstan
Group B4: Wales, Iceland, Montenegro, Turkey
League C
Group C1: Sweden, Azerbaijan, Slovakia, Estonia
Group C2: Romania, Kosovo, Cyprus, Lithuania/Gibraltar*
Group C3: Luxembourg, Bulgaria, Northern Ireland, Belarus
Group C4: Armenia, Faroe Islands, North Macedonia, Latvia
League D
Group D1: Lithuania/Gibraltar, San Marino, Liechtenstein
Group D2: Moldova, Malta, Andorra