Aizawl : Aizawl West I bialtu MLA, Adviser to CM (Finance) ni bawk TBC Lalvenchhunga’n nimin khan a bial mi Combined Competitive exam a tlingte lawmpuina hun a pisa ah a buatsaih.
TBC Lalvenchhunga chuan Mizoram sawrkar buatsaih exam inelna sang berah a bial chhung atangin mi panga an tling thei chu lawmawm a tih thu a sawi a. Thalai dang ten hlawhtlinna an hmuh ve theih nan, career guidance pe thin turin a ngen a. Mipui tan dawr nuam ni tur leh thil diklo huaisen taka do ngam turin a chah.
Mizoram Combined Competitive Examination 2023 a Aizawl West-I atanga tlingte hi – Zorinsangi, Luangmual Vengthlang; Joseph Lalzuitluanga, Chawnpui veng; Zodinpuii Bawitlung, Luangmual veng; Alex Hmingthanmawia, Chawlhhmun veng leh F. Rodingpuii, Chawnpui veng te an ni.