February 18-29, 2024 chhung hian Khelo India University Game (KIUG) – Men’s football khelh a ni dawn a. Football hmanga University pariatte inelna tur hi Rajiv Gandhi Stadium (RG Stadium), Mualpuiin a thleng dawn.
KIUG football-a University ten tuar pariatte hi Group hnihah then hran an ni a. Group A-ah Punjabi University, Guru Nanak Dev University, University of Calicut, University of Culcutta te an awm a. Group B-ah Mahatma Gandhi University (Kottayam), Adamas University, Shivaji University leh Univercity of Kerala te an awm ve thung. Group khata pakhatna leh pahnihna ten semi-final an lut ang. Inelna hmachhawn turin team hrang hrang ten vawiin hian Aizawl an rawn thlen tan dawn. Inelna thlengtu Mizoram University chu inelna hmachhawn turin an tling phak lo.
KUIG football hi February ni 18, Thawhtanni chawhma dar 10:00-ah khelh tan a ni dawn a, Punjabi University leh University of Culcutta te an inkhel hmasa ber ang. Final hi February ni 29, Ningani chawhnu dar 2:00 ah khelh a ni ang.
Khelo India University Game 2024 hi a thlengtu tak tak (main host) chu Assam a ni a. Assam bakah hmarchhar state dang panga ten inelna pakhat theuh an thleng a. Mizoramah football inelna bik nghah a ni a, ram buai vangin Manipur in inelna a thleng ve lo thung.