Shah Alam, Malaysia a Badminton Asia Team Championship khelh mekah India hmeichhe team in China an hneh nawlh laiin India mipa team te chu China lakah an tlawm ve thung.
India hian China lakah bul an tan tha a, mipa single hma berah World No. 7 HS Prannoy chuan a khingpui Weng Hong Yang lakah harsa takin hnehna a chang. Pronoy hian point 6 chauh hmua set a hloh hmask hnuin set inkhel hmuhnawm takah set hnih a la zawn a, 6-21, 21-18 leh 21-19 a hnehna changin, India in 1-0 in hma an hruai phawt.
India in bul tan tha mah se China in an chhanglet thuai. Suraj Goala leh Pruthvi Krishnamurthy te inkawp chu Xiang Yu Ren leh Hao Nan te inkawp lakah 13-21, 9-21 in an tlawm a. MR Arjun leh Dhruv Kapila te inkawp chu 15-21, 21-19, 19-21 in Chen leh Liu te tan dun lakah an tlawm zui leh a, India an hnufual ve ta thung. India ram champion Lakshya Sen chuan a khingpui Lei Lan Xi chu 21-11, 21-16 a hnehin India beiseina a chawk nung thar a, 2-2 a ni ta chiah.
2-2 a nih hnuin doubles match hmangin chak zawk zawn chhunzawm a ni a. Inkhel hmuhnawm takah India tana inkawp Suraj Goala leh Pruthvi Krishnamurthy Roy te chu Ren Xiang Yu leh Xie Hao Nan te lakah 13-21, 9-21 in an tlawm a, China lakah India hi 3-2 in an tlawm zui ta a ni.
India mipa team hian an khelh hmasak berah awlsam takin Hongkong an hneh a, ningania an khingpui China an hneh zo ta lo thung.