Prime Minister Narendra Modi chuan nimin khan India-in engine nei lo rel a siam hmasak ber, Vande Bharat Express chu New Delhi Railway Station atangin a vai liam a. Pulwama-a firfiakten India sipai tam tak an thah hlimchhawnah, boruak rit tak hnuaiah a vai liam a. Railways chuan India siam chhuah rel hi a tirah Train 18 an ti a, Vande Bharat Express tiin an thlak a, semi-high speed train niin New Delhi leh Varanasi inkarah hian darkar khata km 160 vel chaka tlan thei tur a ni.
Pindan 16 nei niin thla 18 chhungin Rs. Vbc 97 sengin Integral Coach Factory, Uttar Pradesh-a Rae Bareli-ah sak a ni a. Kum 30 zet lo tlan tawh, Shatabdi Express thlakin New Delhi leh Varanasi inkarah a tlan dawn a. Air-conditioned vek niin Kanpur leh Allahabad-ah a chawl thin ang a, executive chair car pahnih nei a ni. Rel changkang tak niin WiFi, GPS-based passenger information system, touch-free bio-vacuum toilet, LED lighting, mobile charging point leh climate control system a awm.