Lo neitu tenau deuh vbc 1 vel chuan February 24 hian sorkar laipuiin anmahni tanpuina tura a duan, PM-KISAN an tih atangin Rs 2,000 an dawng tan dawn a, heng pawisate hi an bank account-ah dah luh a ni dawn.
February 24-ah hian sorkar laipuiin lo neitute a tanpuina tur scheme hi Prime Minister Narendra Modi chuan Gorakhpur, Uttar Pradesh-a lo neitute intawhkhawmah a hawng dawn nia sawi a ni a, heta tang hian tanpuina sum hi sem chhuah tan a ni ang.
Sorkar thuneitu sang pakhat chuan, “State-ten Zirtawpniah an state chhunga a dawng thei turte an tifel ang a, dawng turte hi PM-KISAN portal-ah February 20-ah tar chhuah an ni ang a, Rs 2,000 theuh chu February 24-ah pek chhuah a ni ang,” tiin a sawi.
“February 20-ah hian lo neitu vbc 1 velin an dawng phawt dawn a, an ai pawhin an tam thei a, an tlem thei bawk a, state-ten an report ang zat azirin a danglam thei,” a ti bawk a. Heng baka dawng thei dangte pawhin March 31 hmain pawisa hi an dawng vek dawn tho tih a sawi bawk.