AZL: State day of Prayer Working Committee chu nimin khan an Working Chairman, F Rodingliana, P&E Minister hovin an thukhawm a, February 20, 2024-a State Day puala tawngtai beihpui thlak dan tur an sawi ho.
Mizoram Secretariat Conference Hall-a thutkhawm Working Chairman F Rodingliana’n a kaihruai thutkhawmah hian State Day of Prayer hi Aizawl-ah chauh ni lovin, District Hqrs hrang hranga an lo hman ve theih nan palai an intirchhuak a, district tina kohhran hrang hrang hruaitute leh khawtlang hotute nena meeting an neihpui dan te an thlir letin, chawnghei tawngtai beihpui thlakna chu district tinah an lo nei thei vek dawn tih thu an dawng chu lawmawm an tih thu an sawi.
Thutkhawmah hian State Day Celebration (Prayer) a fatu tur department hrang hrang pariat ten an hmalak dan an sawi fiah bawk.