Aizawl : Mizoram Larsap Dr Hari Babu Kambhampati-a’n nimin khan New Delhi-a Republic Day Camp 2024 a zu tel, NCC Cadet pali – mipa 3 leh hmeichhe 1 te chu lawmpuina a hlan a. Republic Day Camp 2024 a tel, NCC Cadet 4 te hi ngaihhlut hlawh tak Line Area, Flag Area leh Prime Ministers Rally-ah te an tel thei a; North Eastern Region (NER) Directorate Group Dance & Ballet, National Integration Awareness Programme (NIAP) leh Youth Exchange Programme (Cultural) ah te an tel bawk.
Larsap chuan NCC Cadet te hi lawmpuina atan Laptop leh chawimawina thuziak a pe theuh a. NCC Cadet te kawmin, Mizo thalaite tana Indian Armed Forces hnuaia hnathawh tur tha tak tak chungchangte a sawipui a ni.
Republic Day Camp 2024 a tel te hi 1 Mizo Air Sqn NCC atangin Cadet Under Officer KC. Law- msangpuia, Cadet Corporal H. Malsawmtluanga, Cadet Corporal Celine Vanlalhriati leh 1Mizo Battalion RDC atangin Cadet Corporal C. Lalruatmawia te an ni a. Raj Bhavan-ah hian Comma- nding Officer, 1Mizo Battalion NCC Colonel SS Kalia, Commanding officer, 1 Mizo Air Squadron Wing Commander Lalrinsanga leh HZK Vanlalsawma ten NCC Cadet te hi an tawiawm a ni.