Union Minister of State for Health & Family Welfare Prof. S.P. Singh Bag- hel-a’n nimin khan Govt. Saiha College a tlawh a. Zirlaite hma ah thusawiin, taimak na leh inpekna tello chuan hlawhtlinna chan theih a nih loh thu a sawi a. Zirlaite chu an zirna kawngah rilru leh ngaihtuahna zawng zawng seng thin turin a chah.
India ramin zalen- na a hmuh atangin co- mmon education mu- mal taka kalpui a nih loh avaning harsatna tam tak zirlai ten an tawk niin, Prof. S.P. Singh Baghel chuan a sawi a. Common education mumallo avang bawkin zirna kawngah mihausa leh rethei kar a zauh phah hle nia sawiin, zirna lama milian leh te ber kara intluktlanna thlen tur- in ‘common education system’ chak tak kalp- ui a tul thu leh kalpui mek zel a nih thu a sawi.
Prof. S.P. Singh Baghel chuan sawrkar school ten private school an pha ta lo lutuk chu veiawm a tih thu sawiin, sawr- kar zirtirtu ten nasa leh uar zawka tan an lak a tul thu a sawi a. Zirlaite chu ram leh hnam inghahna ber an nih avangin thiamna sang zawk pek an tul, tiin chutiang pe thei tur chuan zirtitute tang zual turin a chah.
India ram innghah na bulpui ber chu De- mocracy ram a nihna a nih thu pawh sawi- in, Democracy vawn- gnung zel turin mitinin mawhphurhna an nei vek tih a sawi a, theihtawp chhuah turin a sawm.
India ram chu ram changkang leh thil tithei ber zing ami nia sawiin, “eng dinhmunah chiah nge India ram kan siam dawn, tih hi zirlaite kutah thui tak a innghat” a ti a. “India chu khawvel ram ropui leh chak bera siam turin theih- tawp i chhuah zel ang u” tiin kalkhawmte chu a sawm a ni.
Union Minister of State for Health & Family Welfare Prof. S.P. Singh Baghel hian District Hospital Siaha pawh tlawhin, District Hospital hmu- nhma bakah room hr- ang hrangte a fang a. Hospital fai leh thian- ghlim taka an lo vawn thin avanga lawmawm a tih thu sawiin, thawktu ten inpekna sang tak an neih vang niin a sawi a, fakawm a tih thu a sawi.
Faina lam lo ngai- pawimawha, chhunzawm zel turin a chah a. Hospital thuneitu ten harsatna hrang hrang an tawh te a hnenah an thlen a. A hma lama chingfel tura hma a lak tur thu sawiin, Siaha District Hospital chuan Dialysis khawl an mamawh hle nia sawiin, Dialysis khawl pakhat a pek nghal tur thu a sawi.
Union Minister of State hian India hmar- chhaka cheng te tan Medical college tam zawk din a tul thu pawh sawiin, North East-a Mideical college tam zawk din a nih theihna turin ngaihnathiamna (relaxation) sang zawk pe tura hmalak a tum thu a sawi a. A bik takin District Hospital, Siaha chu Medical College-a hlankai a nih theihna turin ‘recommendation’ a pek tur thu a sawi.
Arogya Mandir (H- ealth & Wellness Ce- ntre), Siahatla pawh Union Minister of State hian tlawhin, thawktute inpekna leh thawhrimna fakawm a tih thu a sawi a. Mi- pui tana rawngbawlna pawimawh tak thawk tu an nihna chu hre reng turin a chah.
Prof S.P Singh Baghel chuan Accri- dited Social Health Activist (ASHA) te pawh kawmin, Pradhan Mantri Jan Arogya Yojna (PM-JAY) hnuaia hamthatna awm ang ang te AS- HA ten an tel thuai tur thu a sawi bawk.
Union Minister of State for Health & Family Welfare, Prof S.P. Singh Baghel hian 20th Batallion Assam Rifles pawh tlawhin, chawhnu lamah Siaha Helipad atangin Lengpui a pan nghal a ni.
Prof S.P. Singh Baghel hian Nilaini khan Siaha-ah Mara Thyutlia Py (MTP) leh Mara Students’ Organization (MSO) hruaitute pawh a lo kawm tawh a. MTP hruaitute chuan kumina ‘Platinum Jubilee’ an lawmna tur leh Youth Festival an hmanna tura mamawh te bakah Chhimtuipuia tui tla an awm changa mawhphurtu ber pakhat an nih ava- ngin ‘life saving bo- ard’ an mamawh thute an lo thlen a. MSO hruaitute pawhin ‘Co- nference’ an hmanna tur leh mamawh dang an neih ang angte an thlen bawk.
Maraland Gospel Centenary Hospital pawh tlawhin, Charity Hospital an nih anga mipui tana an rawngbawlna chu ropui a tih thu a sawi a. Sawrkar laipui atanga tanpuina tam zawk an hmuh theihna tura theihtawp chhuahpui a intiam a ni.