Kum 1972 a West London atanga an rukbosak bass guitar chu Sir Paul McCartney-in a kuah leh thei ta.
Beatles hla hit, ‘Love Me Do’ leh ‘She Loves’ You’ an record laia a hmanrim em em, a ngainat tak a ni nghe nghe a, hla dangte pawh he bass guitar hmang hian a siam nual bawk.
Los Bass project kaltlanga hun rei tak an zawn buai hnu ah ‘The Hofner bass’ hi Sussex-a thil hlui dahkhawmnaah an hmuchhuak hlauh mai a ni.
Sir Paul hian he bass guitar hi 1961 khan Germany-ah pound 30 in a lei a, tuna a hlut dan tur leh manto dan tur hi hisap ngaihna pawh a awm lo, an ti hial.
He bass guitar hi an hmuh lai hian a la pangngai angreng viau a, play thei tur erawh chuan siamthat ngai neuh neuh chu a awm mai thei.
Kum 51 hnu-a a ngainat leh kuat chawt thin bass guitar ngei mai a hmu leh thei chu a lawm hle niin, a thupuangtu chuan a sawi.