Cabinet Committee on Security chuan ram venhimna lama thawktu tur agency thar pathum -Defence Cyber Agency, Defence Space Agency leh Special Operation Division dinna tur a pawm.
Heng agency pathumte hi a hranga kal lovin an thawkho ang a, Chairman, Chief of Staff Committee kaihhruaina hnuaiah a huhovin an thawk dawn a ni.
Kum 2012 khan Chiefs of Staff Committee chuan hetianga thawkho thei tur, a hrang ni si — cyber, space leh special operations din tur hian rawtna a lo thlen tawh a. Tun hnaiah hetiang lam chia beihna a awm chhoh mek zel avangin sorkar pawhin a tihlawhtling dawn ta a ni.
Hetianga van thengreng leh tunlai thiamna (cyber) lama miin ram an beihna laka venhim hna thawk tur leh chhui zui thei tur din a ni ta hi hmasawnna a nih thu hetiang lama mi thiamte chuan an sawi.
Van thengreng lama ram venhimna neih hi tun laiah thil tul tak nia ngaih a ni a. China chuan a nei tawh a, February khan boruak atanga anmahni beitu beih letna an lo inbun taawh a. Thui tak kap thei, missile kahthlakna, DN-3 an nei a. Kum 2010 khan leio atanga vansang mel 62-a hla kap thei pawh an lo nei tawh bawk a ni.
China hi US tih lovah van thengreng lama mahni ram venhimna hmanrua nei hmasa ber a ni.