Aizawl: Road Safety Month chhunga ngaihdamna tel loa lirthei endik runpui, No Tolerance Week hman mekah Aizawl bikah lirthei dan bawhchhia 169 man an ni tawh.
Aizawl Traffic Police leh Transport department enforcement staff te chuan Thawhtanni atanga Aizawl chhungah No Tolerance Week hi an kalpui tan a, nimin khan Transport Minister Vanlalhlana chuan Chanmari kawna No Tolerance Week denchhena checkpoint tlawhin an hmalaknate a enpui a ni.
Duty-ten an lo hrilh danin February ni 12 atanga 15, ni li chhungin lirthei neitu 169 chu document fel lo avanga man niin, a hmuna chawitir 139 an ni a, dan bawhchhiate sum chawi tlingkhawm chu Rs. 4,65,000) a tling tawh a ni.
Tar lan tawh thin angin No Tolerance Week hi naktuk thleng kalpui tur a ni a, Traffic police leh enforcement staff te hian Aizawl chhung hmun lun laiah checkpoint an siam thin a ni.