Aizawl : Samagra Shiksha Siaha District-in nimin khan Mara Autonomous District Council Hall Tipa-ah Tipa block-a High School leh Higher zirlai hmeichhia te tan Career Mela an buatsaih a, Addl. DPC. Samagra Shiksha T. Chatlua-a’n sikul naupang te chu an hmalam huna an hnathawh tur leh an eizawnna tur chi hrang hranga hma an lak dan tur te leh scholarship dil tur awm thei te leh entrance pek tur chi hrang hrang te a hrilh a ni.
T. Chatlua chuan zirlaite chu high school an kal atanga tum mumal tak neia, an tuina lam te hrechianga an nih duh leh tuina zawng tak an nih theih dan tur te bakah rinawmna leh taimaknate an neih ngei ngei a pawimawhna kawng hrang hrang a hrilh bawk.
Career Mela-ah hian zawhna leh chhanna hun te hmangin, naupang ten an hriatthiam loh hrang hrangte an zawt hlawm a ni.