Aizawl : NABARD project, Tribal Development Fund (TDF) chu ni- min khan Khawzawl Addl. DC Lalfakzuala’n a hawng a. TDF Project Implementing Agency ata- na thlan North East Initiative Development Agency (NEIDA) District Coordinator Champhai SC Ramnunmawia’n hawnna in- khawm a kaihhruai.
TDF Project atana th- lan khaw pali – Khawhai, New Chalrang, Chawngtlai leh Neihdawn khua atangin Dragon Fruit ch- ingtute bakah Khawzawl-a deptt. hrang hrang hotute TDF hawnna inkh- awmah hian an tel a. TDF hawngtu Addl DC chuan loneitute tha thara tan an ngaih zia leh thil dawn ringawt beisei lova mahni a thawh tak tak tum a ngaih thu a sawi a. Heng khaw pali te an vanneih zia sawiin NEIDA tha lo tichaktu ni tur te, Department head te pawh a theihna ang anga thawkho turin a sawm.
NEIDA atangin Programme Officer JH Vanlalruata’n technical report pein, Dragon Fruit plantation an kalpui tum dan te, NEIDA-in Mizorama hma an lak tawhna te leh TDF Project tho Champhaia an kalpui tawh dan te a sawi a. NEIDA bakah NABARD lamin Training leh Field Monitoring an ngawrh dawn avangin loneitu chu tihtakzetzet rilru pua hma lo lakpui turin a sawm bawk.
Khawzawl DAO Vanlalruata Hnamte, KVK Head & Senior Scientist Dr. Malsawmkimi leh Senior SR & HD HD Liansanga ten an tawnhriat te leh loneitute tana hriattur pawimawh zualpuite an sawi a. An theihna chin chinah he Project hi a hlawhtlin theih nan theihtawp chhuah an inhuam thu an sawi bawk ni.