Ram 10 awmna ASEAN (Association of South East Asian Nations) zinga Taylor Swift-i concert thleng thei awmchhun ni tura Singapore hmalakna chu Thailand chuan pawm harsa a ti hle. A thinrim!
Singapore hia sum tham tak a tawktarh vangin ASEAN ramdangte tan a chet harsa khawp dinhmunah a siam a, TS hian an bial chhungah mit a len thei dawn ta rih lo niin, Thailand PM-in a sawi.
Srettha Thavasin hi promoter AEG chuan tuna ‘Eras’ tour kalpui mekah ASEAN ram huam chhunga show dang a neih lohna turin Singpaore sorkar nen inremsiamna an nei, tih an hrilh.
Ruahman dan chuan pop singer hian March 2-9, 2024 hian Singapore National Stadium-ah show vawi ruk a nei dawn a, Asia khawmual hrutna kal zela ASEAN rama show a neihna ram awmchhun a ni zui ang.
Kum 2014 khan TS hian Thailand-ah a vawikhat nan show neih a lo tum tawh na a, ramchhung politics buaina vangin chawpchilh takin a thulh.