Bodoland Territorial Region-a Bodo Peace Accord ziah fel lawmna hman zawh a ni deuh chiah tihin Bodo hel pawla an hruaitu, Ranjan Daimary chu hel pawlte hian chhuah an phut thu an sawi zui.
Kum 2008-a Guwahati, Assam-a bomb tihpuahna avanga thiam loh changa dam chhung tang tura hrem mek, Daimary hi National Democratic Front of Bodoland (NDFB) pawl palite chuan lung in atanga chhuah an phut thu nimin khan an sawi.
An thil phut hi tihhlawhtlin a nih loh chuan mipui rorelna rama tih anga thil phut lantirna an huaihawt tur thu an sawi.
NDFB (Progressive) president thin, Gobinda Basumatary-an thuthar lakhawmtute a kawmnaah NDFB hel pawl palia member 1615 zet an inpek thu sawiin, “Daimary-a chhuah lailawkna pawhseina tur petition kan thehlut a. February 20-a ngaihtuah tura tih kha February 25-ah sawn a ni,” a ti.
NDFB (P) supremo hian sorkar chuan Daimary tan rei nan ruahmanna an siam niin a sawi a. “Vantlang hi rawn kawm sela, chhuah lailawk (bail) hun chhung hi pawhseisak rawh se,” tiin a sawi.