Siaha District-in Mizoram Cleanliness Competition 20- 23-a pathumna lawmman a lak chu nimin khan MADC Golden Jubilee Hall, Siaha-ah lawm a ni a. MADC-a CEM M. Laikaw leh EM, LAD EM K. Chhuabei ten an telpui.
MADC CEM M. Laikaw chuan Siaha di- strict-in faina lama rah- bi thar a kai chu lawm- awm tiin, faina kawnga theihtawp chhuahtu za- wng zawngte zahna chi- bai a buk a. District fai inelnaa pathumna dinh- mun an hauh chu a bultanna chauh a nih thu sawiin, “hmabak tih tur tam tak a la awm a, tan i la thar zel ang u” a ti.
Siaha district-in Mizorama district fai ber nihna a hauh theih a beisei tlat thu sawiin M. Laikaw chuan pakhatna dinhmun an hauh hunah chuan ruai nen ropui taka lawm tum a nih thu a sawi.
MADC CEM chuan tun dinhmun an thlen theih chhan chu thawhhona tha, a nih thu sawiin, MADC, State leh Central sawrkar bakah VC, NGO leh mipuite lungrual takin an thawkho tih chiang taka a lan thu leh lawmawm a tih thu a sawi a. Thawhhona tha chu “I vawngnung zel ang u” a ti.
Fainain mihring hm- asawnna a keng tel tih sawiin, M Laikaw chu- an hmasawn turin faina lamah pawh tanlak chh- unzawm zel a tul thu a sawi a. Mimal pawi- mawhna sawiin, “mah- ni theuhah tan la thar ila, chu chuan faina lamah rahbi thar min kaitir zel ang” a ti a. Sawrkarin theihtawp chhuah thin mahse, NGO, VC leh mipuite tel lovin hlawhtinna a awm thei lo tih sawiin, hmalam hunah pawh tha taka sawrkar lo tawiawm zel turin a ngen.
Chhungkuaah pawh tanlak a tul thu sawiin, nu leh pa te chu fa te zirtir kawngah pawh tan la thar turin a chah a. “Chhungkuaah inzirtirna tha tak a awm chuan an nunah a bet tlat tawh thin a, an than len zelnaah faina zirtir hranpa an ngai tawh lo a ni”, a ti.
M Laikaw chuan a lang thei chin chauh a fai anga, a lang lo lam a lo bal hle ang tih a hlauhawm thu sawiin, mahni in leh lo tihfai lam pawh uar hle turin mipuite a chah a. “In- cheina changkang tak tak inbel aiin kan inch- eina chu a fai tawk em tih hi ngaihpawimawh zawk tur a ni”, a ti.
Pawnlam fai leh thianghlim piahlamah ril- ru thianghlim neih a pawimawh hle tih pawh sawiin, rilru thianghlim nei lo tan faina tluantling a neih theih loh niin a sawi a. Rilru hrisel leh thianghlim nei theuh turin kalkh- awmte a chah bawk.
MADC EM, LAD changtu K. Chhuabei pawhin faina lam ng- aipawimawha thawktu zawng zawngte an zahawmin fak an phu hle niin a sawi a. Siaha district-in mel lung thar a kai chu ropui a tih thu sawiin, hmasawn zel tura hmalak erawh a tul hle niin a sawi.
DPO, UD&PA B. Malsawmtluangi repo- rt-a a lan danin, Mizoram Cleanliness Competition 2023 chu October ni 9, 2023 ah tan a ni a. Siaha dist-ah UD&PA hnuaiah Community Toilet-9 leh Community Urinal 5 awm mekin, a theih ang ang a cheibawl that zel a ni a, sak belh ngai a awm pawhin, ram petu an awm phawt chuan sak belh theih zel a ni, a ti. Hman khat daih sarang hmang lo tura inzirtirna bakah faina lama inzirtirna chu kawng hrang hranga kalpui chhunzawm zel a nih thu a sawi bawk.
Urban Development & Poverty Alleviation (UD&PA) Deptt. buatsaih Mizoram Cleanliness Competition 20- 23-a Siaha-in pathumna dinhmun a hauh lawm- na inkhawm hi Siaha Bawrhsap Lalhmunsanga Hnamte-in kaihhruaiin, kalkhawmte lawmna thu a sawi a. Mizoram Cleanliness Competition 2023 Category-II ‘District Headquarters’ a pathumna Siaha hian lawmman Rs. 1,00,000 leh thu- ziak an dawng a ni.