Aizawl : Mizoram Resources Mobilisation Committee leh Central Govt. Organisations te nimin khan Secretariat Conference Hall-ah an thukhawm a. Sawrkar laipui hnuaia thawk department hrang hrang Mizorama awm ten an hnathawh dan, an mamawh leh an harsatna tawh te an sawi a, sutkianpui dan a awm chuan Mizoram tan tun aiin an thawhhlawk leh zual an inbeisei thu an sawi.
Kuhva rah tawlhruk Rs. Vaibelchhe 131 hu chu Custom department-in an man tawh thu leh an man dahthatna tur Kudam indaihlohnain harsatna a thlen thu an sawi a. Central sawrkar hnuaia thawk te chuan Mizoram sorkarin an chenna tur quarters ngaihtuahsak thei se an duh thu an sawi bawk.
Resources Mobilization Committee Chairman-in sawrkar laipui hnuaia thawk te chu Mizo- ram tan an theihtawp chh- uah tura chahin, a bikin Tax leh Non-Tax Resou- rces base tihsan a nih theih nan an thiamna leh theihna hmanpui turin a chah a. Mizoram hmasawnna atan an thiltihtheih te ziaka committee-ah thehlut turin a ngen bawk a ni.