Aizawl: Foundation For Drug-Free Mizoram chuan an pawlin ruihhlo do kawnga hma a lakna chungchangah Mizorama tlawmngai pawl lian pathum – Central YMA, MHIP leh MUP General Headquarters te chu an pisaah theuh kawmin, an pawlin Mizoram tuam tura hma an lakna ah tawiawmna an ngen hlawm.
Central YMA-in an vice president, Prof. Lalnuntluanga leh CEC ten lo dawngsawngin, Foundation For Drug-Free Mizoram pawl hmalakna an lo ralkhat hriat tawh thu leh thawhho theih dan kawng chu an pawl thuneitu sang CEC-ah an lo ngaihtuah tur thuin a thlah.
MHIP hruaitute hi an President Ngurmawii Sailo hoin, O.B te nen an lo dawngsawng a. Pawl hmalakna tha an tih thu leh hun lo kal leh turah programme duanho dan kawng zawn tha an tih thu an sawiho.
MUP General Headquarters hi an President, Nghaklianmawia hoin O.B te’n lo dawngsawng bawkin, an inkawmnaah hian ruihho vanga harsatna thleng thin lakah leh an tu fate awmdan zirchiang turin kum upa te lo inbuatsaih a tul thu an sawi ho a. MUP Tlangau Bu ah ruihhlo laka tu leh fate dinhmn hriat theihna lamhawi thuziak theih dan kawng zawn an sawi ho bawk.
Foundation For Drug-Free Mizoram hian ‘Ruihhlo Tel Lo Nun Duhawm Zawk’ tih thupui kenga, ruihhlo laka tleirawlte ven hna an thawhnaah hian Mizorama tlawmngai pawl leh Kohhran tin te chu thawhpuiah a sawm a ni.