UFC-ah palian huanga fighter hriat hlawh tak, champion ni chunga chawl ta Francis Ngannou chuan Professional Fighters League (PFL) bul a tan dawn a. PFL a hmachhawn hmasak berah Ryan Bader leh Renan Ferreira in fight a chak zawk zawk a hmachhawn dawn.
UFC champion hlui Francis Ngannou hian kum 2023 khan PFL a zawm a, boxing a khelh leh rih vangin PFL-ah fight a la hmachhawn lo thung. Tunah pawh boxing hmachhawn turin a inbuatsaih leh mek a, palian huanga boxer lar Anthony Joshua nen March ni 8 khian Riyadh-ah an inhmachhawn dawn. Cameroon boxer hian palian huanga boxer tha ber Tyson Fury hmachhawnin bul a tan a, a hneh teuh hle nghe nghe. Chak phu zawk ni chungin Fury lakah tlawm mah se boxing khawvel-ah a hming a chher lian nghal hle thung. Fury lakah mit la taka a inlan hnuin fiahna hautak dang a hmachhawn zui leh dawn.
Ngannou hian UFC champion a nih laiin hliam a tuar a, hliam vangin kum khat dawn a inlan thei lo. Contract thar chungchangah UFC President Dana White nen inremna an neih theih loh vangin a kawnghren a kalsan a, UFC a chawlhsan. UFC atanga a chhuah hnuin Professional Fighters League hmachhawn turin a hming ziak lut a, a khingpui tur a hriat theih loh reng hnuin tunah chuan a hriat ta ruak. Zanin hian Ryan Bader leh Renan Ferreira te an inbei dawn a, heta chak zawk zawk hi Ngannou hian a hmachhawn zui ang.
UFC palian champion a nih bakah boxing-ah a hming a chher len em vangin Ngannou hian ngaihven a hlawh hle a. PFL ti ngaihnawm zualtu a ni ang.