Manchester United thuneitu tharte chuan rin lawk loh takin Luton mdfielder Ross Barkley chu lak an tum zingah an telh teh tlat. (Sun)
Real Madrid chuan Manchester United hnena an hralh tawh France centre-back Raphael Varane leh Brazil midfielder Casemiro te chu an lak let leh theih dan tur an zirchiang tan ta. (Fichajes – in Spanish)
La Liga president Javier Tebas chuan nipui bazar inhawn huna PSG chhuahsan tur Kylian Mbappe chu Real Madrid in lak theihan chance 99% zet an neih thu a sawi. (L’Equipe – in French)
Saudi Arabia club in an ngaihven Kevin de Bruyne manah Manchester City chuan £100m zet an chhiar. (Talksport)
Tottenham leh Chelsea te chu January thla khan England midfielder Conor Gallagher chungchangah an lo indawr tawh a. Spurs hian nipui bazar inhawn hunah lak tumin ruahmanna thar an siam leh. (Football Insider)
Liverpool chuan an manager thar atan a an duh ber Bayer Leverkusen boss Xabi Alonso an la thei lo a nih chuan Sporting Lisbon manager Ruben Amorim leh manager tawnhriat ngah Julian Nagelsmann te chu Jurgen Klopp hmunruak luahtu tura an mi duh a ni tih an tichiang. (Telegraph – subscription required)
Bayern Munich chuan an manager thar tan Alonso hi rawih ngei an tum viau a. Bundesliga hmahruaitu Bayer Levekusen a tanga la chhuak in, Alonso hi kum khatah £20m zet hlawhtir an tum dawn. (Mirror)
Barcelona sporting director Deco chuan Netherlands midfielder Frenkie de Jong leh Uruguay defender Ronald Araujo te chu chhuak tur angin sawi tlang than ni bawk mah se kawl chhunzawm an tum thu a sawi. (Goal)
Premier League-ah an kai sang a nih chuan Leeds United chuan an player hlui England midfielder Kalvin Phillips chu an hnenah hruai let leh an duh. Phillips hian Manchester City atangin West Ham United-ah loan in a khel mek. (Football Insider)