Aizawl : Khawzawl Bawrhsap pisa-ah Kha- wzawl – Rabung kawng kilometer 33 a thui siamthat dan tur chu Bawrhsap K. Lalrohlua hovin Khawzawl PWD Division leh Rabung Village Council ten nimin khan an sawiho.
Rabung kawng hi kum 1987 vela laih niin, 1994 vela black topping siam a ni a, hemi hnu hian mu- mal taka siamthat a ni zui ta lo. Rabung VC te chuan kawng hi tumhnih khat kawng chhe zuallai (pot holes etc) hnawh zeuh ze- uh tih loh chu kum 30 vel zet enkawl mumal loh niin an sawi a. PWD lam chu- an a theihna ang angah a siamna tur sum an zawn thu an sawi a, NABARD-ah te pawh project siama an thehluh thu leh a tlang loh thu an sawi.
Bawrhsap K. Lalrohlua chuan NABARD lam hotute a lo sawipui tur thu leh PWD chu project lo siamtha tura inruahman turin a chah a, he kawng siamthat na tur hian a theihna apianga hmalak a tum thu a sawi bawk.
He thutkhawmah hian Khawzawl PWD Division te hian Tualpui-Rabung Road (16.25kms) siamthat nan hian North Eastern Council (NEC) hnuaia North East Special Infrastructure Schemes (NES- IDS) atangin cheng vai- belchhe 78 ruahman a nih thu an sawi a. Hetihlai hian Rabung VC te hian Khawzawl to Rabung via Tualpui siamna tur sum ruahman a awm mek chungin a main road zawk Khawzawl to Rabung via Khualen hi siam ni se an duh thu an sawi a ni.