Political drama hit chho mek, ‘Article 370’ film chu Gulf ram thahnem takin an rama tihchhuah an khap bur.
Actress Yami Gautam inlanna film hmuhnawm tak hi February 23, 2024 khan khawvelpumah tlangzarh a ni a, cinemal hall a luahlulm phat atangin entute mai bakah critic lam pawhin film entlak tak a nih thu uar takin an sawi hlawm.
He film hi India rama sawihlawh leh chaihlawh tak ni bawk Article 370 behchhana siam a ni a, Jammu & Kashmir-in state dang ang lo taka dinhmun tha bik a neih kha niin, PM Modi kaihhruai BJP sorkarin 2019 khan a hlihsak.
Gulf ram zingah Saudi Arabia, UAE, Kuwait, Qatar, Oman leh Bahrain te chuan an ramchhunga tihchhuah a nih loh tur thu an sawi tawh.
Engvanga tihchhuah duh lo nge an ni a, engtia khap bur ta mai nge an nih tih chungchangah erawh chanchin buatsaih lai thleng hian thuchiang a la awm lo.