American rapper Ja Rule chu thubuai hlabuai nei tawh a nih vangin UK-a luh phalsak a ni lo.
Ja Rule hian hemi chungchang hi X/Twitter-ah tarlangin, UK-a luh phalsak a nih loh vangin tour nei tura ruahmanna zawng zawng pawh thulh fai vek a nih tak thu a sawi.
‘Sunrise’ tour nei tura inbuatsaih mek hian, “He tour atana ka sum leh pai senso tam tak karah Show neih hma lawk a UK-in an ramchhung a luh min phalsak lo hian min kehsawm vek maiin ka hria,” a ti.
Tunkar tawpa Cardiff atanga bultan tum a ni a, “Tour kan neihna turah ticket 85% hralh zawh tawh a ni chung a ka kal thei lo hi kei leh fan te tan a ‘fair’ mawloh lo a ni,” a ti bawk.