Beng thalo te tanpui thintu, Ephatha Society Of Mizoram for the Deaf and Hard of Hearing (ESOMDHH) chuan tunhn- ai khan Mizoam hmun hrang hranga beng tha lo mi 150 te a thlawnin Hearing Aid an pe.
Hemi chungchang hi Inrinni khan thuchhuah siama tarlangin, Ali Yavar Jung Natio- nal Institute For Speech And Hearing Disabilities (D), Mumbai nen tangkawpin thla hlui ni 27 atanga ni 29 chhung khan ni thum awh, beng thalote enfiahna, an school Ephatha Special School for the Deaf and Hard Of Hearing, Kulikawn West-ah an nei, tih an tarlang.
He hunah hian Mizoram hmun hrang hranga bengri hriatna thalo mi 150 te hnenah a thlawna Hearing Aid pek a nih thu leh hei hi sorkar laipui Department of Empowerment For Persons With Disabilities, Ministry of Social Justice And Empowerment hnuaia AD- IP Scheme kaltlanga pek a nih thu an sawi.
He hun hi Larsap Dr. Hari Babu Kambampati-a’n hmanpuiin he hun an hman nan hian a Discretionary Fund atangin Rs. 50,000 a pe a. Larsap bakah he hun tluang taka an hman theih nana puitu Tlangnuam Branch YMA leh mi tlawmngaite chungah lawmthu an sawi.
Ephatha Society of Mizoram for the Deaf and Hard of Hearing (ESOMDHH) hian be- ng tha lo te tan Ephatha Special School for the Deaf and Hard of Hearing, Aizawl Kulikawn West-ah an neih thu sawiin, he school-ah hian bengri hriatna thalo te tan zirna leh vocational class an kalpui mek a; hetiang lama harsatna neite tan pan theih reng an nih thu an sawi.
Hetih rual hian bengri hriatna lama harsat- na nei mi tute pawh zirna school-a lut tur emaw sawrkar atanga tanpuina dil tur reng reng chuan Rualbanlo (Disability) certificate leh UDID Aizawl Civil Hospital-ah siamtir hmasak phawt tur a ni a; Rualbanlo certificate leh UDID nei lo tan chuan sawrkar atangin hamthatna a dawn theih loh, an ti.
Nimin Pathianni kha World Hearing Day a ni a. Hemi ni pual hian Ephatha Society of Mizoram for the Deaf and Hard of Hearing chuan Mizoram mipuite chibai an buk bawk a ni.