Aizawl : Tuichang bialtu MLA, Dy Government Chief Whip ni bawk W. Chhuanawma’n Zirtawpni khan Khawzawl Tourist Lodge, 2nd IR leh NH-06 te a tlawh a. Sawrkar official te nen hmalakna tur hrang hrang an sawiho.
Khawzawl Tourist Lodge, Khawzawl Lungvar Venga mi chu a nihna tur ang taka hman thuai a nih theih nan hmalak tul nia a hriat thu W. Chhuanawma chuan a sawi a. National Highway – 06 (Tuisenphai – Chhumliamkawn) a kawng chhe zual lai – Kawnzar Bung kual, Chhipchhuan Bazar Junction, Vengthar Bazar leitlahniam leh Forest Complex kual te sawrkar official, NHIDCL leh Balaji Company te nen an enho a, siamthat vat a nih theih nan chak taka hmalak dan tur an sawiho a ni.
2nd Indian Reserve Battalion Headquarters Khaw- zawl Lungvar a tlawhnaah W. Chhuanawma chuan 2nd IR te hnathawh chu fakawm a tih thu a sawi a. Sawrkar hnathawkte chu zalenna zau tak pek an duh thu pawh sawiin, sawrkar policy kaihhnawih a nih loh chuan nitin inrelbawlna (day to day administration) ah chuan sawrkar hnathawkte an rintawk a, thuk taka inrawlh an tum lo a ni, a ti.
W. Chhuanawma chuan he hunah hian Khawzawl 2nd IR kawng, vantlang kawng laih zauh avanga min belh mai theia awm chu lungrem hmanga chhan dan tur a enpui nghal bawk.
2nd IR Commandant Saidingliana Sailo chuan Battalion dinhmun leh mamawh tlangpui te a sawi a. Khawzawl Bawrhsap K. Lalrohlua paw- hin thu a sawi ve bawk a ni.