Aizawl : Lunglei Municipal Council CEO Donny Lalruatsanga hovin nimin khan Lunglei Traffic i/c ten LMC area-a lirthei chevel te a felfai zawk theihna tura parking area an neih lai te tun aia mumal zawka kalpui a nih theihna turin an enfiah.
Lunglei khawpui thang chho mek zelah lirthei park-na te tun aia mumal zawk leh him zawka siam a nih theih nan hmalak mek zel niin, LMC area-a parking zone neih hrang hrangte siam danglam that hret hret tum mek a ni.
Parking zone enfiah hi Chanmari Children Park bul atanga tanin Venglai Police Station chhak thleng en niin, LMC area-a parking zone hrang hrang te tunkar chhunga en zawh hmana teh that zawh hman an tum a ni.