Mizo Zirlai Pawl (MZP) General Headquarters extended Office Bearers meeting, nimina MZP Pisa Pui-a neihin College Assistant Professor lak dan felhlel chungchang an ngaihtuah.
MZP President H Lalthianghlima hova MZP) General Headquarters extended Office Bearers thukhawm chuan tunhnaia College Assistant Professor lak danah thil felhlel awm nia hriat chungchang ngaihtuahin, a tul anga chhui zuia hmalak ni se, a ti a. Mizoram College hrang hranga thawk tur Assistant Professor lak dan kalpui thin dan chu duhsak zawngte thun theihna remchang kawng zau tak hawnna nia an hriat avangin a kalphung hrim hrim pawh siamthat ni se an duh thu sawiin, ngun taka ngaihtuahna senga, ennawn tur leh a thiam apiang an luh theihna turin thuneitute an ngen nghal.
MZP General Hea- dquarters extended Office Bearers meeting, chuan, “kan zirlaipui pawl 10 exam hmachhawn lai hmaituam tu tihhriatlohin Chemte-in a pumah a vit tih a hriaa, he thil thleng hi MZP chuan pawi a ti takzet a. Hetiang thil duhawmlo hi thleng nawn tawh lo se a duh takzet a. MZP chuan zirlai chhiattawk hi a tawrhpui zia lantir nan a kan bawk” an ti a. Zirlai chunga pawikha- wihtu chu a rang thei ang bera man chhuaka, a phu tawk hremna pe ngei turin thuneitute an ngen tih an sawi bawk.